قصيدة إبعد أنت للشاعر حمدي حربي
=================
بس و أنت صورتك جوا قلبي لسه حلوه
عايز تبعد .... طيب إبعد
ومن غير ما تخلق مشكلة
وأنت عندي أغلي حبيب
وأنت عندي أجمل غنوة
انسي ملامحي وانسي شكلي
أبعد أنت .. وسيبني هنا
وانسي حبي وانسي قلبي
أنسي إيه .. حبنا .. عشقنا
ابعد أنت وسبني وحدي
مع ذكري حبنا
وانسي مين .. وانسي ليه
================
عايزني أنسي
ترجع في يوم لحبنا
هو مش كان حب ولا إيه
لو هاتبعد هاستني
وإزاي هانسي ليالي الحب والهنا
لا يا حبيبي مش أنا
مش أنا اللي أحب وانسي
أو ابيع رحلة عمرنا مش أنا
حتي لو أنت مش هنا
اللي عشته معاك خلاني
أعيش ليك كل زماني
حتي لو أنت مش معايا
ها عيش علي ذكري حبنا
لا يا حبيبي مش أنا
====
الشاعر حمدي سيد حربي
==============
ليست هناك تعليقات:
إرسال تعليق