خيطان العمر-- موال ايقاعي
من ديواني حفنة غزل
----------------------------
دلَى حباله القمر اتعلقت بحباله
وعشقت مثلو السهر غنيت مواله
ودُرنا مع النجمات ملينا الدني حكايات
بالحب بالنهدات هالقلب غنّله
--------------------------------
ركضنا سويه فوق عتبات السنين
تّنسابق الفرحه
زرعنا الدني بالفل باليسمين
تا نزَّين الطرحه
صرخنا ياعمر وقاف من ركضنا لا تخاف
إن هز الزمان كتاف شو مالنا وماله
------------------------------------
وعا صوتنا هالشمس فتحت عينها
وعا حالنا صحينا
ونجومنا ما عدت اعرف وينها
وياريتنا بقينا
والقمر شفته غاب وتا تعرفوا الكذاب
شعري انا ما شاب هذا اثر خيطان من شاله
---------------------------------------
بقلمي راضي مشيلح
ليست هناك تعليقات:
إرسال تعليق