===================
حبيبى دمه حامى ولا بيهدى
آه لو طلت عينى على زهرة
علطول يبقى قلت وقالتلى
ولا عديت على بتاعة خضرة
شكرا حبيبى وتسأل ع الباعتلى
وقالت ايه وايه اللى انت قلته
ادينى لله يا سيدنا دا من غلبى
مش هايعدى على اليوم النهارده
مسكتها صح وبصيت قولى
ورحت اخلع ضرسى الجمعه
اتصلت عليا دكتور ولا هى
لسه انتظر يا حبيبى النمرة
فى صوت جنبك سكت ليه قولى
آه يا حبيبى دا جنبة حتة نمرة
سكتت … هاه قول قول قولى
اظهر وبان .. بص على فكرة
مش بيهمنى ولا تهز شعره فى
مالك حبيبتى سكتى ليه دى وليه
آه ما انا عارفة شكلها ايه قولى
مش عارف ملهاش شكل بالمرة
انت ها تهزر شكلها ايه قولى
ما قلت لك عيون كحيلة وبنغزة
وعليها ضحكة ع القلب بتسرى
آه قلت لى بقى كده ولا هزة شعره
بتكلمها سمعتك بتقول ها تجننى
قول بسرعة قالت ايه وايه قلته
حبيبى ياناس دمه حامى ولا بيهدى
=====================
ليست هناك تعليقات:
إرسال تعليق