قصيدة السياسة
=========
زمان قالوها بكياسة العقل زينة وسياسة
يعنى اسايس فى جيرانى واحبابى برضه وخلانى
ومديرى اعامله بحماسة وبكل دقة وسياسة
حماتى ومراتى سياسة وأعداءى وخصومى سياسة
زعماء وقادة كانوا ساسة واشتغلوا بيها بحماسة
سعد وعرابى اشرف ساسة ناضلوا وحاربوا بكياسة
وقالوا عنها دبلوماسية وفى الحب يعنى الملاغية
كانت دى واضحة وسلمية وساعات شريفة ووطنية
دلوقت حقد ومدارية مع قتل وخيانة قوية
وبيرمزوا لها بأصابع ويقولوا سياسة جيل رابع
يعنى الفتن تشعلها اكيد وتضحك وتقتل وتستفيد
ازاى سياسة وهى حروب بسلاح مدمر وقتل وطوب
بيقودها قائد واسمه شيطان يشعلها ولعة ويكون فرحان
بالذمة دى يعنى سياسة ملعونة وقذرة بنجاسة
قلعت ده توب الوطنية وبقت دعارة ورسمية
قوادها يعنى كده إبليس ملعون يقودها بشكل خبيث
ويقولوا كله وراء كواليس بقوة طاغية وشكل حثيث
سرطان بيسرى فى العالم وشكله سلمى ومسالم
يقتل يفتت فى الأوطان وشعاره هو حقوق انسان
حروب كتيرة فى كل مكان ويبيع سلاحه بدون عنوان
صديق وخصم برضه فى ميزان ادفع فلوسك للشيطان
ي
يدلق سمومه كده فى العسل ومفعوله سارى وأكيد حصل
يعنى سياسة إلكترونية وعلوم كتيرة تكنولوجية
فايدتها مش لبنى الإنسان فايدتها قتل وحرق كمان
ولو هى دى يعنى سياسة راح اعتزلها بحماسة
ولا أبقى واحد من الأعيان واكفينا من شر ألامريكان.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق