وليه ابعد
بقلم عونى هشام
=============
ومهما ابعد اعود تانى
ومن تانى بدوب فيها
بحب هواها انا انانى
بروحى ونفسى افديها
------------------------
حبيبى حتى لو جانى
اكون مجنى واعليها
طيفها فى المنام جانى
قلت يارب خليها
---------------------
دى بلدى وسكنه وجدانى
راسمها بكل معانيها
انادى تبقى سمعانى
واغنى كل اغانيها
---------------------
دى مصر اسم ربانى
ورب العزة راعيها
حياتى هيا وكيانى
ولونى سمار اراضيها
--------------------
جمالك مطمع العشاق
سمارك سحر لقلوبهم
ليلى نهارى انا مشتاق
لشربة ماء من نيلهم
-----------------------
نيلك شهد فيه الترياق
يداوى الجرح لو صابهم
وانا حارس على بابك
ادخل بس احبابك
ولو خاين اعاقبهم
----------------------
قمحك شجرك ويا الليل
ينادونى واصاحبهم
انا فلاح وزرعى نخيل
بايدى احصد والاعبهم
------------------------
ولما ابعد اعود تانى
الاقى الحضن يوسعنا
الم اولادى واحفادى
وطين ارضك بيجمعنا
ولما اسمع تقولى الاه
تدمى قلوبنا توجعنا
-----------------------
اجرى واحضنك ياما
اشيل الهم والغمه
وازرع فى الجناين ورد
وازيد الصحبة واللمه
----------------------
واغنيلك واشرب ميه من نيلك
ارسم بالحروف رسمك
واعلى فى الرايات اسمك
ومهما ابعد هاعود تانى
ومن تانى اعزف مواويلك
تعيشى يا مصر
==============
\\\ عونى هشام \\\
ليست هناك تعليقات:
إرسال تعليق