موسى
موسى لما اتولد امه خافت عليه
ربنا قالها في الصندوق وحطيه
وعند شاطئ النهر وارميه
واللي هايخده عدو لي وعدو ليه
وإنا لرادوه إليك لترضعيه
وعاش في قصر الملك يربيه
ولما نزلت الرساله عليه
اختار اخوه هارون معاون ليه
وذهب إلى فرعون يهديه
وفرعون شاف المعجزات ولا اثرت فيه
وجمع السحرة ضد موسى تحاجيه
وانتصر موسى بعصا كانت في إيديه
اتغاظ فرعون وجري ورا موسى واخيه
وضرب موسى البحر انفتحت الميه ليه
عبر موسى بسلام وفرعون اطبقت عليه
نادى فرعون خلاص امنت باللي امنتوا بيه
مات فرعون وجسده آيه للي ينظر إليه
وكلم موسى ربنا وكان عايز ينظر ليه
نظر ربنا للجبل وما اتحمل نظرة ليه
وكل ده كان في مصر اللي ربنا حاميه
ارض داسها الانبيا ونور ربنا تجلى فيه
محمد عبد العزيز دراز
ليست هناك تعليقات:
إرسال تعليق