( في ناس !! )
بقلم : حازم سعيد ( أبو عبدالله )
في ناس مش عايزه اللي يعبّرها
ويكون همّه يحلّي مرارها
عايزين شغل تلات ورقات
ناس بتدُوس ع اللي يقدّرها
تعشق موت اللي يكدّرها
واللي ساقيها المر كاسات
بتطلّع عين اللي يخيرها
وتبوس رجل اللي يحيرها
ومخلّيها فـ ذُل تبات
تعيش العمر مايجي نهارها
تيجي تلومها تقول ده قدرها
ناس عايشينها بإحساس مات
بقلم : حازم سعيد ( أبو عبدالله )
ليست هناك تعليقات:
إرسال تعليق