جراح قلوب
مين عاوز جراح قلوب ؟......
بيعالج قسوة المحبوب .....
ويخلى القلوب مع بعضها تدوب ....
جراح ومعايا مشرطى ....
وبلف على القلوب بشنطتى ...
وعلى المجروحين بحاول أدارى دمعتى ...
لأن ده من صميم مهنتى ...
جراح وأنا مجروح ...
راح منى حبيب الروح ...
ومن بعاده محوطانى الجروح ..
جراح وعاوز اللى يداويه ...
وعاوز حبيب ياخد بأديه ....
جراح وبيعالج الآه ..
وهو مش لاقى دواه ...
ودايما الآه عايشه جواه ...
جراح وبقولها الف مره ..
للقلوب اللى عاوزه يا ناس عمْره ...
جراح للقلوب المليانه آسيه ....
واللى راح منها كمان الحنيه ...
بيحاول يرجعها من تانى وفيه ...
أصل القلوب كلها مش زى ما هيه ...
ومش ممكن تغسلها الميه ....
جراح وبقول بعلوا صوتى ....
ومش هيمنعنى عنكم سكوتى ....
أنا جراح قلوب ..
وبنادى على المحبوب ...
بقـــلم: عـــــادل الشــــــهـــابى
ليست هناك تعليقات:
إرسال تعليق