فى شرع مين؟.!!
------------------.
فى شرع مين؟!!
يندبح كل البشر ذى الغنم
ما بين نصارى ومسلمين
بإيدين عصابة ملثمين
فى شرع مين؟!!
........
فى شرع مين؟!!
البحر الأبيض يصبغوه
بدم(ماجد) و(مكين)
وبصمت يكوينا الأنين
ويصرخ النيل الحزين
وينعى كل المسلمين
فى شرع مين؟!
--------------------.
فى أى ملة وأى دين
يدبحونا بدم بارد
والعجايب!!!
بيكبروا بسم الكريم
شلة عصابة مجرمين
من كل رقعة مطرودين
ومتجمعين
بس مثواهم جهنم اجمعين
وده مصير المجرمين
-------------------.
كل الحثالة إتجمعت
هناك فى (داعش)
ان كانوا (قاعدة)
أو (حماس)
أو حتى( إخوان مسلمين)
كل الطغاه متجمعبن
تنشر سمومها وحقدها
مابين صفوف العالمين
قولولىّ بس فى شرع مين؟!!
------------------------.
رسولنا كان رحمة وأمان
رسولنا كان إسمه الأمين
نشر المحبة والسلام
نشر الأمان للعالمين
فى فتح مكة عفو كامل
وكان كريم إبن كريم
وصانا بإخواتنا النصارى
وبالحوار وبالتسامح متمسكين
لا عمره يوم حمل السلاح
الا دفاع للمظلومين
شلة دعاه كاذبين
شلة عصابة ملثمين
لو فكروا يإذوا بلدنا
هيلاقوا جيش من (أبابيل)
هنصب لعنتنا عليهم
والموت مصير المجرمين
وهو ده شرع الكريم
-----------------.
شعر/ محمد توفيق
ليست هناك تعليقات:
إرسال تعليق