بقلمى يوسف ونيس مجلع ايطاليا بريشيا
اصدقائى الاحباء اطيب التهانى بعيد الام اجمل الاعياد كلمة
بالعاميه بعنوان كاس الجنه
امى يا حضن الامان -- و نعيم وهبه المنان
يا كاس من الجنه مليان -- بحب و دايب فى حنان
مهما اشرب واقول رويان -- قلبك يقولى كمان
--------------------------
يا فرح مالى دنيانا ------- يا اول همس فى ندانا
حضنك فرشنا وغطانا -- عطفك عرشنا وهنانا
--------------------------
فى عنية ضى رسمك ---- قبل مايرمش رمشى
واغنية قلبى اسمك --- من قبل ما اعرف امشى
ياما حنان فى همسك –---- طبطب وقال معلشى
--------------------------
مهما نعد فى محاسنك ---- نلاقيها ما بتخلصشى
در الكلام فى وصفك ----- رخيص ما بيعبرشى
بقلمى يوسف ونيس مجلع
ليست هناك تعليقات:
إرسال تعليق