ﺃﻧﺎ ﺑﻨﺖ ﺁﻩ
ﺑﺲ ﻣﻤﻜﻦ ﺃﻋﻠﻤﻚ ﻣﻌﻨﻰ ﺍﻟﺮﺟﻮﻟﺔ
ﻣﺘﺴﺘﻬﻮﻧﺶ
ﺣﺪ ﻳﻨﻔﺬ ﻛﻼﻣﻪ ﻭ ﻣﻦ ﺍﻟﻤﺮﺓ ﺍﻷﻭﻟﻰ
ﻟﻮ ﻣﺴﺘﻐﺮﺏ
ﻭﺑﺘﻘﻮﻝ ﻭﺗﻌﻴﺪ ، ﻷ ﻣﺶ ﻣﻌﻘﻮﻟﺔ
ﻫﻘﻮﻟﻚ ﻓﻜﺮ
ﻣﻴﻦ ﺷﺎﻝ ﻫﻤﻚ ﻣﻦ ﺍﻟﻄﻔﻮﻟﺔ ؟
ﻭﻓﻀﻠﺖ ﺑﺮﺿﻪ
ﺷﺎﻳﻼﻙ ﻟﺤﺪ ﻣﺮﺣﻠﺔ ﺍﻟﻜﻬﻮﻟﺔ ؟
ﻛﻨﺖ ﺗﺮﻭﺡ
ﻭﺗﺮﻣﻰ ﻋﻠﻴﻬﺎ ﻣﻦ ﻫﻤﻮﻣﻚ ﺣﻤﻮﻟﺔ
ﻃﺐ ﺑﻼﺵ
ﻣﻴﻦ ﺍﻟﻠﻰ ﻋﻦ ﺣﺎﺟﺘﻚ ﻛﺎﻧﺖ ﻣﺴﺌﻮﻟﺔ ؟
ﻫﺘﻘﻮﻝ ﻛﺒﺮﺕ
ﻭﺭﺍﺟﻞ، ﻭﻟﻴﻚ ﻓﻰ ﺍﻟﺼﻮﻻﺕ ﺑﻄﻮﻟﺔ
ﺃﻓﻬﻢ ﺑﻘﺎ
ﺃﺻﻠﻬﺎ ﺑﺎﻷﻓﻌﺎﻝ ﻣﺶ ﺑﻜﺘﺮ ﺍﻟﻤﻘﻮﻟﺔ
ﺩﻯ ﻣﺶ ﺷﻬﺎﺩﺓ
ﺃﻭ ﺻﻚ ﺧﺎﺹ ﻭﻣﻌﻤﻮﻟﻠﻚ ﻋﻤﻮﻟﺔ
ﺩﻯ ﻛﻠﻤﺔ ﺁﻩ
ﻟﻮ ﺻﺪﻗﺖ ، ﺑﻴﻬﺎ ﺗﻮﺻﻞ ﻟﻘﻠﻮﺏ ﻣﻬﻮﻟﺔ
ﻭﻛﺈﻧﻬﺎ ﺑﺎﺳﺒﻮﺭ ﺁﻣﺎﻥ
ﻟﻘﻠﺐ ﺩﻯ ﻭﺩﻩ ﻭﺩﻫﻮﻩ ﻭ ﺩﻭﻻ
ﻳﺎ ﺇﺑﻦ ﺍﻟﻨﺎﺱ
ﺧﺪﻫﺎ ﻧﺼﻴﺤﺔ ﺻﺮﻳﺤﺔ ﻣﻦ ﺑﻨﺖ
ﺇﻧﺖ ﻫﺘﻔﻀﻞ
ﻧﺺ ﻟﻮﺣﺪﻙ ... ﻳﻌﻨﻰ ﻳﺎﺭﻳﺘﻚ ﺗﺒﻄﻞ ﻋﻨﺪ
ﻣﻴﻦ ﻭﺻﻠﻠﻚ
ﺇﻧﻚ ﻓﻈﻴﻊ ﻭﺇﺳﻄﻮﺭﺓ ﻭ ﻓﺖ
ﻟﻮ ﺷﺎﻳﻒ ﺇﻧﻚ ﻣﺤﺼﻠﺘﺶ
ﺗﺨﻴﻞ ﺍﻟﻜﻮﻥ ﻭﻣﻔﻴﻬﻮﺵ ﺳﺖ
ﺇﻭﻋﻰ ﻏﺮﻭﺭﻙ ﻳﺼﻮﺭ ﻟﻴﻚ
ﺗﺼﺒﺢ ﻳﻮﻣﻬﺎ ﻣﻠﻚ ﻉ ﺍﻟﻬﻨﺪ
ﻭﺍﻟﺪﻧﻴﺎ ﺍﺗﻔﺘﺤﺖ ﺩﺭﺍﻋﺎﺗﻬﺎ
ﻭﻣﺶ ﻣﺤﺘﺎﺝ ﻻﻳﻮﻫﺎ ﺣﺪ
ﻛﺎﻧﺖ ﺍﻟﺠﻨﺔ ﻧﻔﻌﺖ ﺁﺩﻡ
ﻭﻋﺎﺵ ﻟﻮﺣﺪﻩ ﻟﺤﺪ ﺍﻟﺨﻠﺪ
ﻟﻮﻻ ﺟﺘﻠﻪ ﺳﺘﻨﺎ ﺣﻮﺍﺀ
ﺑﻴﻬﺎ ﺍﺳﺘﺤﻤﻞ ﺍﻟﻌﻴﺶ ﻉ ﺍﻷﺭﺽ
ﻃﺐ ﻟﻮ ﻛﺎﻥ ﺍﻧﻔﺮﺩ ﺑﺤﺎﻟﻪ
ﻛﺎﻥ ﻫﻴﺘﻘﺎﻝ ﻋﻠﻴﻪ ﻳﻮﻡ ﺟﺪ ؟
ﻭﻻ ﺣﺘﻰ ﺻﺒﺢ ﻟﻴﻪ ﺫﺭﻳﺔ
ﺍﻟﻠﻰ ﺑﻴﻬﻢ ﺍﺳﻤﻪ ﻓﻀﻞ ﻳﻤﺘﺪ
ﺣﺘﻰ ﺭﺳﺎﻟﺘﻪ ﻓﻀﻠﺖ ﻣﻮﺻﻮﻟﺔ
ﻟﺤﺪ ﻣﺎ ﺷﺎﻟﻬﺎ ﺳﻴﺪﻧﺎ # ﻣﺤﻤﺪ
ﻋﺎﺭﻑ ﻣﻴﻦ ﺁﻭﻝ ﻣﻦ ﺁﻣﻦ ﻟﻪ
ﻭﻛﺎﻧﺖ ﺟﻨﺒﻪ ﻛﺤﺎﺋﻂ ﺻﺪ
ﻛﺎﻧﺖ ﻫﻰ ﺳﺘﻨﺎ ﺧﺪﻳﺠﺔ
ﻭﺷﺪﺕ ﻋﻠﻴﻪ ﻣﻦ ﺁﺯﺭﻩ ﺷﺪ
ﻭﺍﻟﺰﻭﺟﺎﺕ ﻛﺎﻧﻮﺍ ﻣﺴﺎﻧﺪﻳﻨﻪ
ﻣﻌﺎﻩ ﻓﻰ ﺍﻟﺠﺬﺭ ﻗﺒﻞ ﺍﻟﻤﺪ
ﻳﺒﻘﻰ ﺇﺯﺍﻯ ﺇﻧﺖ ﻳﺎ ﺑﻴﻪ ؟
ﻓﺎﻛﺮ ﻧﻔﺴﻚ ﺭﺏ ﻭﻫﻰ ﺍﻟﻌﺒﺪ
ﺁﺧﺮ ﻛﻠﻤﺔ ، ﻫﻘﻮﻟﻚ ﺍﻳﻪ ؟
ﺇﻧﺖ ﺧﺴﺎﺭﺓ ﻓﻴﻚ ﺍﻟﺮﺩ
# ﻣﻦ _ ﻭﺣﻰ _ ﺣﺮﻓﻰ
ليست هناك تعليقات:
إرسال تعليق