وحشانى .. يا مه = شعر .. حسن السحماوي .. تحياتى جدو عبدو
وحشانى .. يا مه
...................................
كيفك يا أمى طمنينى
أتكلمى .. !!
أنا لسه جوايا .. حنينى ..
ما أنتهاش ..
شدينى وف حضنك خدينى
لسكتى ..
ياااااااااااه يا أمى ..
وحشانى .. يا مه ... ضمتك ..
أنا كنت محتاجك معايا
ترجعينى لسكتك ..
أنا أصلى فى زمنى اللى ضاع
زمن المواجع والألم ..
زمن الجراح ..
زمنى اللى راح ..
لكن يا أمى منتظر ..
جوايا صوتك لسه عايش
من زمن ..
فاكرك يا أمى مش ناسيكى للأبد
وأنت كمان فكرانى .. يا مه من سنين
أدعى لى يااا مه ..
كنت محتاج دعوتك ..
وقت ما يحل الغروب ..
لما النهار بيلم نفسه
ويستخبه فى السما
ماتغبش يابنى فى الخلا .. !!
وارجع اليكى ترجعينى للأمان
للذكريات الطيبه ...
يا ااااااه وحشانى يا مه ..
شعر ..
حسن السحماوي ..
ليست هناك تعليقات:
إرسال تعليق